3 voix – TBB
Tres noble et plaisant damoiselle
Tres noble et plaisant damoiselle
Plaise vous me faire assavoir
Se pourray vostre grace avoir
En ce printemps qui renouvelle.
Vous estes si plaisant et belle
Et si doulce pour dire voir
Quan ne scaroit pour nul avoir
En ce monde trouver de telle.
Tres noble et plaisant damoiselle
Plaise vous me faire assavoir
Se pourray vostre grace avoir
En ce printemps qui renouvelle.
Je congnois que vous estes celle
Qui pourriez a mes maux pourvoir
Mais aussy ie feray devoir
Se iay de vous nulle nouvelle.
Tres noble et plaisant damoiselle
Plaise vous me faire assavoir
Se pourray vostre grace avoir
En ce printemps qui renouvelle.
Texte du XVème siècle